Ku rabu da Buhari ku kira taron gaggawa kan halin da ƙasa ke ciki – Atiku ga gwamnoni

Tsohon mataimakin shugaban ƙasa Alhaji Atiku Abubakar ya yi kira ga gwamnonin ƙasar nan da su nemi mafita halin da ƙasar ke ciki maimakon jiran gwamnatin tarayya ta yi wani abu.

Atiku Abubakar ya shawarci gwamnonin da su kira taron hadin kan ƙasa wanda za a tattauna halin da ƙasar nan ke ciki.

Tsohon mataimakin shugaban ƙasar ya bayyana hakan ne ta cikin wani saƙo da ya wallafa a shafinsa na facebook.

Ya ce, kamata ya yi al’ummar ƙasar nan su hada kansu wajen nemo mafita kan mawuyacn halin da Najeriya ke ciki a wannan lokaci.