Sojojin Isra’ila sun kashe Palastinawa 192

Rahotanni daga Zirin Gaza na cewa jiragen yaƙin sojin Isra’ila sun ci gaba da yi luguden wuta a birnin a yau litinin.

Wannan na zuwa ne kwana guda bayan da firaministan Isra’ila Benjamin Netanyahu ya bayyana cewa ƙasar sa za ta ci gaba da kai hare-haren kan yankin na Palastinu.

Ko a jiya lahadi yayin wani hari da jiragen yaƙin Isra’ila suka kai yayi sanadiyar mutuwar mutane arba’in da biyu.

Ya zuwa yanzu dai adadin waɗanda suka rasa rayukansu sakamakon harin da ƙasar ta Isra’ila ke kai wa ta sama ya kai ɗari da casa’in da biyu, ciki har da ƙananan yara hamsin da takwas da kuma mata talatin da hudu