Covid19: Shugaban sakatariyar kungiyar gwamnoni ya killace kansa

Shugaban sakatariyar kungiyar gwamnonin kasar nan, Mr. Asishana Okauru ya killace kansa da dukkan nin iyalansa sakamakon zargin ko suna dauke da cutar Covid-19.

Mr Asishana Okauru ya ce, za ayi mishi gwaji shi da dukkan nin iyalan nasa domin sanin halin da suke ciki.

Hakan na cikin wata sanarwa mai dauke da sa hannunsa wanda aka rabawa manema labarai a Abuja.

LABARAI MASU ALAKA

Da dumi-dumi: Ganduje ya baiwa ma’aikata hutu saboda Coronavirus

Da dumi-dumi Gwamnan jihar Bauchi ya kamu da COVID-19

Covid19: Osinbajo baya dauke da cutar

A cewar sanarwar, shugaban sakatariyar kungiyar gwamnonin ya dau wannan mataki ne biyo bayan ganawa da yayi da gwamnan jihar Bauchi, Bala Abdulkadir Muhammed a yayin taron kungiyar gwamnonin kasar nan da ya gabata.

A jiya talata ne dai aka bayyana gwamnan jihar ta Bauchi Bala Abdulkadir Muhammed a matsayin wanda ya kamu da cutar bayan gaisawa da ya yi da dan tsohon mataimakin shugaban kasa Atiku Abubakar.