Kula da lafiyar dabbobi na na magance yadawar cutuka a tsakaninsu- Dr Abdullahi Abubakar

Wani kwararren likitan dabbobi a jihar Kano Dakta Abdullahi Abubakar Gaya ya bukaci al’umma da su rinka kula da lafiyar dabbobin su domin gujewa yaduwar cututtuka a tsakaninsu.

Dakta Abdullahi Abubakar Gaya ya bayyana hakan a zantawarsa da Freedom Radio, kan irin cututtukan da ka iya yaduwa tsakanin mutane da dabbibin da basa samun kulawa.

Ya kuma ce, kiwon mage da kare na da hadarin gaske musamman idan suka yi cizo ko kuma aka tu’ammali da yawunsu.

Dakta Abdullahi Abubakar Gaya ya kuma bukaci masu kiwon dabbobi a gida, da su rika neman shawarar masana don kare lafiyarsu da ta iyalansu.

Rahoton:Nura Bello