Kungiyar DAPPMAN ta baiwa gwamnatin tarayya wa’adin makwanin biyu don biyan bashin da suke binta

Kungiyar manyan Dillalan mai masu depo-depo ta kasa DAPPMAN ta baiwa gwamnatin tarayya wa’adin makwanni biyu da ta biya bashin da mambobinta ke bin gwamnatin wanda ya kai naira biliyan dari shida da hamsin.

Sakataren kungiyar na kasa Olufemi Adewole ne ya bayyana haka ga manema labarai ta cikin wata sanarwa jiya a Lagos.

Sanarwar ta ce kudaden raguwar basukan tallafin mai ne da mambobin-ta ke bin tsohuwar gwamnatin da ta gabata.

Mr. Olufemi Adewole ta cikin sanarwar dai ta ce bako shakka idan gwamnati ta gaza biyan basukan ‘yayan kungiyar zasu rufe dukkan-nin depo-depo dinsu domin tsunduma yajin aiki.

A cewar sa ‘yayan kungiyar a yanzu sun dogara ne da basuka da suke karba daga bankuna domin biyan albashin ma’aikatansu da kuma gudanar ayyukan yau da kullum.