Kungiyar lauyoyi ta kasa NBA ta rabe gida biyu –Barista Nuhu

Kungiyar lauyoyi ta kasa NBA ta rabe gida biyu sakamakon bullar wata sabuwar kungiyar da ta kira kanta da suna sabuwar kungiyar lauyoyi ta kasa NNBA wato New Nigerian Bar Association.

Lauyoyin da suka balle daga uwar kungiyar ta NBA dai tare da kafa kungiyar ta NNBA sun ce sun dau wannan mataki ne domin nuna adawarsu da cire sunan gwamnan jihar Jigawa Malam Nasir El-rufai cikin wadanda za su gabatar da mukala a yayin taron shekara-shekara da kungiyar ta gudanar.

A cikin wata sanarwa da sabuwar kungiyar ta fitar a jiya Talata, ta ce, sabuwar kungiyar ta kunshi lauyoyi ne wadanda suka fito daga yankin arewacin kasar nan, kuma nan gaba kadan ba da dadewa ba za a kaddamar da ita.

Sanarwar wadda Barista Nuhu Ibrahim da Barista Abdulbasit Suleiman suka sanyawa hannu ta ce, kungiyar ba za ta lamunci irin cin fuskar da ake yiwa arewacin kasar nan.