Kwana guda bayan soja ya harbe direba: Direbobin Tirela sun ki amincewa su bude hanyar Kano zuwa Zaria

Har zuwa yammacin yau Juma’a, direbobin manyan motoci sun tsare  hanyar Kano zuwa Zaria, tare da kin amincewa su janye daga kudirinsu na sai an biya su hakkin kisan ‘dan uwansu da ake zargin wani soja da yi.

Dan uwan mamacin ya ce bazasu bude hanyar ba har sai an biya musu bukatarsu.

A jiya ne dai  direbobin suke ikirarin wani jami’in soji ya harbe dan uwansu a wani shinge a kan hanyar.

Har yanzu direbobin tirela da suka rufe hanyar Kaduna Zuwa Kano na nan a kan kudurinsu, na kin bude hanya har sai an biya su diyyar dan uwansu da wani soja ya kashe.

Freedom Radio ta sake tuntubar dan Uwan Marigayi sake tuntubar su kan halin da ake ciki a yau.

Yusuf Habibu Usman ya ce, ‘suna nan a kan bakansu na kin bude hanyar har sai an biya su diyar naira Miliyan Sittin.

A jiya ne dai muka kawo muku rahoton yadda direbobin tirelar suka yi zaman dirshen a babbar hanyar Kaduna Zuwa Kano tare da rufe ta, suna ikirarin cewa sai an biya su diyyar dan uwansu da wani soja ya kashe sannan za su bude ta.

Rahoton: Halima Wada Sinkin