Likitocin Kenya sun tsunduma yajin aiki

Likitoci a kasar Kenya, sun tsunduma yajin aiki na tsawon mako guda sakamakon jinkirin da gwamnatin kasar ta yi na tura likitoci masu neman sanin makamar aiki.

Haka kuma rahotonni sun bayyana cewa Likitocin sun koka kan tabarbarewar da suka ce aikin lafiya ya samu kansa a kasar.

Sai dai Kotun ma’aikata ta bayar da umarnin dakatar da yajin aikin domin bayar da ƙofar tattaunawa don shawo kan lamarin.

Sai dai ƙungiyar likitocin kasar ta ce ba ta samu umarnin kotun ba.