Limanan da za su yi limanci a azumin bana a masallacin harami da ke Makkah

An fitar da jerin sunayen limaman da za su yi limanci a sallar tarawihi da na tahajjud a masallacin harami da ke birnin Makkah a watan Ramadan na wannan shekara ta 1442 bayan hijira, wanda yayi daidai da shekarar 2021.

Limaman sun hada da: Sheikh Abdul Rehman Al Sudais, Sheikh Saud Al Shuraim, Sheikh Abdullah Awad Al Juhany da kuma Sheikh Maher Al Muaiqly.

Sauran sune: Sheikh Bandar Baleelah da kuma Sheikh Yasir Al Dossary

Shafin internet na Haramain Sharifain ya ruwaito cewa, a bana ba za a gayyaci bakon limami don jagorantar sallar tarawahi ko na tahajjud a masallacin harami da ke Makkah ba.