Ma’aikatar Muhalli ta bada umarnin zama a gida ranar Asabar

Ma’aikatar muhalli ta jihar Kano, ta bukaci al’ummar jihar da su zauna a gida daga karfe 7:00 zuwa 10:00 na safe a ranar Asabar 27 ga wannan watan da muke ciki na Mayu domin tsaftace muhalli da kuma bai wa ma’aikata damar yin tsaftar muhalli a kan titina.

Babban sakataren ma’aikatar Malam Aliyu Yakubu Garko, ne ya bukaci hakan a zantawarsa da wakiliyar Freedom Radio Madina Shehu Hausawa.

Malam Aliyu Yakubu Garko, ya ce an tanadi kotunan tafi da gidanka domin hukunta dukkan mutanen da aka samu da karya dokar.