‘Yan Bindiga sun sako daliban Yauri da suka rage a maboyarsu

Ƙungiyar iyayen daliban makarantar ‘yan mata ta Yauri a jihar Kebbi ta tabbatar da sako sauran daliban makarantar biyu da suka rage a hannun ‘yan bindigar da suka sace su.

Shugaban kungiyar iyayen daliban Malam Salim Kwaoji, ne ya tabbatarwa da hakan ga kafar yada labarai ta BBC cewa daliban sun iso garesu.

Ya ce, daliban sun isa gida ne jiya Alhamis, yana mai cewa daga cikin daliban da aka ceto har da wata daliba da suka sato a jihar Kaduna.

A ranar Laraba ne wadanda suka yi garkuwa da ‘yan matan suka sako su, bayan kwashe shekaru biyu a hannunsu.