Ma’aikatar wasanni ta bada umarnin dawowa gasar firimiyar kwallon Kwando ta Najeriya

Ma’aikatar matasa da wasanni ta Najeriya ta amincewa hukumar kwallon kwando ta kasa NBBF da ta dawo cigaba da shirya gasar league ta maza da aka dakatar tsawon shekaru.

Wannan umarnin na zuwa ne bayan da Babbar kotun tarayya da ke Abuja ta kori karar da Hukumar Gudanar da kwallon kwando ta Kwese ta shigar a gabanta ta na kalubalantar ma’aikatar ta NBBF.

A cikin wata takarda dauke da sa hannun Babban Sakataren ma’aikatar Nebeolisa Anako, ma’aikatar ta baiwa NBBF damar fara kowace gasa a fadin kasar nan.

“Duba da wannan hukuncin da aka yanke, yanzu hukumar ta kara kaimi wajen neman masu daukar nauyin gasar maza bayan da Kwese ta zanye hannunta sakamakon matsalar kudade,” a cewar NBBF.