Connect with us

Kiwon Lafiya

Majalisar Dattawa zata binciki ma’aikatar kula da tallafin karatu bisa zargin badakalar kudade

Published

on

Majalisar Dattawa tace zata binciki ma’aikatar kula da tallafin karatu ta tarayya kan zarge-zargen da ake mata na badakalar kudade da suka wuce kima.

Kwamitin majalisar Dattawan da ke sanya ido kan al’amuran asusun tallafawa manyan makarantun ne ya bayyana hakan, lokacin da hukumar gudanarwar ma’aikatar ke gabatar da kunshin kasafin wannan shekarar ta 2018.

Kwamitin karkashin jagorancin Sanata Jibrin Barau da ke wakiltar Kano ta arewa a zauren majalisar, ya bayyana takaicin sa kan yadda daraktar gudanarwar hukumar Fatima Ahmad ta gabatar da kasafin wannan shekarar, inda ya zargi jami’an hukumar na amfani da tallafin da take bawa daliban da ke karatu a kasashen ketare, wajen yiwa gwamnati badakalar kudade.

Kan wannan batu ne Sanata Jibrin Barau yace kwamitin majalisar zai gudanar da kwakkwaran bincike, domin bankado irin badakalar kudaden da hukumar takeyi, yayinda take fakewa da daliban da ta tura kasashen waje karatu.

Ya kara da cewa abin takaici ne ace ana badakalar miliyoyin kudade a hukumar, inda yace ba zasuyi kasa a gwiwa ba har sai sun bankado wadanda ke da hannu a badakalar da kwamitin ke zargin ana aikatawa a hukumar.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 338,601 other subscribers.

Copyright © 2019. Freedom Radio Group. All Rights Reserved.

error: Content is protected !!