Majalisar dokoki ta amince da gyaran kasafin kananan hukumomi

Majalisar dokokin jihar Kano, ta karba tare da amincewa da rahoton gyaran kasafin kuɗin ƙananan hukumomi na bana.

Majalisar ta amince da rahoton ne bayan da shugaban kwamitinta na ƙananan hukumomi da masarautu kuma wakilin ƙaramar hukumar Sumaila Alhaji Zubairu Hamza Massu ya gabatar a zamanta na yau Litinin.
Da ya ke ganawa da manema labarai, Alhaji Zubairu Hamza Massu, ya bayyana dalilan da suka janyo yin gyaran, da cewa an yi shi ne domin cike gibi.

Ya ƙara da cewa yin gyara kuma ya na bayar da dama a kashe kudaden da aka samu daga baya kamar yadda ya ke bisa tanadin doka.