Majalisar wakilai ta buƙaci hukumar haraji ta ƙasa ta yi ƙarin haske kan zurarewar dala biliyan 30

Majalisar wakilai ta gayyaci hukumar tattara haraji ta ƙasa (FIRS) da ta gurfana gabanta don ƙarin haske kan wasu kuɗade dala biliyan talatin da suka zurare tsakanin shekarar dubu biyu da goma sha huɗu zuwa dubu biyu da goma sha tara.

Kwamitin kula da harkokin kuɗi da bankuna na majalisar ne ya yi wannan gayyata da ke buƙatar hukumar ta FIRS da ta fayyace yadda aka yi kuɗaɗen su ka yi ɓatan dabo.

Shugaban kwamitin kula da harkokin kuɗi na majalisar James Abiodun Faleke da takwaransa na bankuna Victor Nwokolo sune suka buƙaci hukumar da ta gurfana don yin bayani.