Mun yiwa kusan mutane miliyan 4 rigaƙafin Corona – Gwamnatin tarayya

Gwamnatin tarayya ta ce, an yi amfani da kaso tamanin da takwas cikin ɗari na kafatanin allurar rigaƙafin cutar corona guda miliyan huɗu da gwamnati ta karɓa a watannin baya.

Shugaban hukumar kula da lafiya a matakin farko, Dr Faisal Shuaib, shine ya bayyana haka yayin zantawa da manema labarai a Abuja.

Ya ce, ya zuwa yanzu, an yiwa mutane miliyan uku da dubu ɗari huɗu da arbain da ɗaya da dubu ɗari ɗaya da arba’in da shida allurar rigaƙafin Oxford AstraZeneca.

A cewar sa, a kason farko an yiwa mutane miliyan biyu da dubu ɗari biyu da sittin da biyar da ɗari takwas da biyar, rigaƙafin yayin da aka yiwa mutane miliyan ɗaya da dubu ɗari ɗaya da saba’in da huɗu da ɗari uku da arba’in da ɗaya, allurar rigaƙafin kashi na biyu.