Manchester United ta dauki dan wasan Ajax Donny van de Beek

Kungiyar kwallon kafa ta Manchester United dake kasar Ingila ta tabbatar da daukan dan wasan tsakiyar kungiyar kwallon kafa ta Ajax, Donny van de Beek.

A yau Laraba ne dai kungiyar ta United ta tabbatar da hakan a shafin ta na Internet.

Manchester dai ta sayi dan wasan Donny van de Beek kan kudi Yuro miliyan 34.

Kuma shi ne dan wasa na farko da kungiyar karkashin mai horarwar ta Ole Gunnar Solskjaer ta fara dauka, domin tunkarar kakar wasanni mai zuwa.

Dan wasan na Ajax dai Van de Beek ya taimakawa kungiyar tasa wajen zuwa wasan dab dana karshe a shekara ta 2019 a gasar cin kofin zakarun turai Champion League.

Ya dai sanyawa Manchester United kwantaragin shekaru biyar ne, domin buga mata wasanni.