Masu zanga-zanga sun balle kofofin Majalisar tarayya

Wasu fusatattun masu zanga-zangar kin jinin janye tallafin man Fetur, sun karya kofofin shiga zauren Majalisun dokokin tarayya da ke Abuja da safiyar yau Laraba.

Shugaban kungiyar kwadago ta Nijeriya NLC Joe Ajaero da tawakransa na TUC Festus Osifo ne suka bukaci jami’an tsaron da ke gadin kofar da su bude domin su shiga, amma masu gadin suka ki.

Daga nan ne masu zanga-zangar suka kutsa kai da karfi tare da balle kofar shigar suka dunguma ciki don isar da sakonsu.