Sojoji sun hallaka yan bindiga a Zamfara

Rundunar sojin saman Nijeriya hadin gwiwa da dakarun Operation Hadarin Daji, sun samu nasarar hallaka ‘yan bindiga goma sha biyu, ciki har da wasu manyan jagororinsu a jihar Zamfara.

Dakarun sun samu nasarar ne a wani farmaki da suka kai ta sama.

Ta cikin wani rahoto da rundunar ta fitar, ta bayyana sunayen Ado Aliero da Dan Karami a matsayin shugabannin ‘yan ta’addar da suka rasa rayukan na su.

Da yake karin bayani game da nasarar da suka samu, mai magana da yawun rundunar Air Commodore Edward Gabkwet, ya ce, babban hafsan rundunar Air Marshall Hassan Abubakar ya kuma ba da umarnin sake karfafa ayyukan rundunar a yankin baki daya.