Matasa su yi riƙo da sana’o’in hannu – Falakin Shinkafi

An yaye ɗalibai 50 da suka koyi sana’o’in dogaro da kai a ƙaramar hukumar birni.

Falakin Shinkafi Ambasada Yunusa Hamza ne ya ɗauki nauyin koyar da matasan kan dabarun kasuwanci ta intanet.

An gabatar da taron ne a makarantar sakandire ta Rimi City da ke unguwar Yakasai.

A yayin taron Ambasada Hamza ya yi kira ga matasan kan su yi amfani da abin da suka koya.

Ya ce, a yanzu sana’o’in dogaro da kai su ne mafita ga matasa la’akari da matsalar rashin aikin yi da ta ta’azzara.

Labarai masu alaka:

An naɗa Ambasada Yunusa Hamza a matsayin Falakin Shinkafi

Hukuncin kisa ne ya fi dacewa ga masu yin ɓatanci – Amb. YY Hamza

Wasu cikin waɗanda suka amfana sun yi godiya tare da nuna farin cikinsu.

Taron ya samu halartar mutane da dama da suka haɗar da shugabannin al’umma da ƙungiyoyi.