Zamu Farfaɗo da noman rani a jihar Kano – Gawuna

Gwamnatin Kano ta ce, za ta bai wa noman rani fifiko domin farfaɗo da tattalin arziƙin jihar.

Kwamishinan ayyukan gona kuma mataimakin gwamnan Kano Nasiru Yusuf Gawuna ne ya bayyana hakan.

A yayin rabon tallafin noman rani ta cikin shirin tallafawa manoma na Appeals.

Gawunan ya samu wakilcin mataimakinsa na musamman kan yaɗa labarai Bashir Idris Ungogo.

Ya ce, farfaɗo da noman rani abu ne da zai rage wa al’ummar karkara zuwa birnin domin cirani.

Shi ma shugaban shirin na Appeals Hassan Ibrahim ya ce, shirin na sa ran samun ƙaruwar kaso 55, na noman Shinkafar da Alkama da kuma Tumatir a jihar Kano.