Matatar Mai ta Fatakwal za ta fara aiki a Disamba- Tinubu

Shugaban kasa Bola Ahmed Tinubu, ya tabbatar da cewa matatar Mai ta birnin Fatakwal za ta fara aiki nan da watan Disamban bana.

Shugaba Tinubu ya tabbatar da hakan ne yayin da ya ke ganawa da shugabannin kungiyar kwadago.

Wata sanarwar hadin gwiwa da shugabannin kungiyar kwadago ta NLC Joe Ajaero da takwaransa na Trade Union Congress, Festus Osifo suka fitar a daren jiya Laraba, ta cewa, batun fara aikin jmatatar na cikin muhimman batutuwan da suka tattauna da shugaba Bola Ahmed Tinubu, wanda kuma ya dauki wasu alkawura da dama da hakan ta sanya su amincewa da komawa kan teburin tattaunawa don samun mafita.

Kungiyoyin kwadagon, sun kuma yaba wa ‘yan Najeriya bisa nuna goyon baya ga zanga-zangar lumana da suka yi a jiya Laraba tare dashan alwashin cewa sun zuba ido wajen ganin gwamnatin tarayya ta yi abinda ya dace kan rage farashin Man fetur.