Matawalle zai gana da fulani kan mutuwar sojoji 9

Gwamnan Jihar Zamfara Bello Matawalle ya ce, zai gana da shugabannin makiyaya Fulani sakamakon harin da aka kai kauyen Sunke da ke karamar hukumar Anka, wanda ya yi sanadiyar mutuwar sojoji tara hadi da raunata wasu da dama.

Mataimaki na musammam ga gwamnar Jihar Zamfara Abubkar Daura, ne ya bayyana hakan yayin zantawa da manema labarai a Gusau babban Birin Jihar.

Ko da yake, gwamnar Jihar bai bayyana ranar da zai gana da su ba, amma yace zaman zai haifar da da-mai-ido.

A harin dai, sojoji tara ne suka mutu wasu da dama suka samu raunuka, gwamnatin Jihar Zamfara dai na zargin cewa, maharan sun fito ne daga Jihar Niger ba ‘yan asalin Jihar Zamfara ba ne.

Rahotanni dai sun bayyana cewa, wannna harin shi ne harin farko da ‘yan-tada-kayar- baya suka kai tun bayan da ya gana da su daga lokacin da yau karagal mulki.