Matukar sojoji suka gaza kakkabe ayyukan ta’addanci a kasar nan to kuwa ba su da bakin magana – Ndume

Shugaban kwamitin kula da rundunar sojin ƙasar nan na majalisar dattijai, Sanata Ali Ndume, ya ce, sojojin Najeriya ba su da ta cewa, idan har suka gaza ƙakkabe ayyukan ta’addanci daga ƙasar nan sakamakon ware musu kwarywa-kwaryar kasafin kudi da ya kai naira biliyan ɗari takwas.

Gwamnatin tarayya dai ta yi kwarywa-kwaryar ƙasafin kudi da ya kai naira biliyan ɗari takwas don taimakawa dakarun ƙasar nan wajen yaƙi da ta’addanci.

A cikin wata sanarwa mai ɗauke da sa hannunsa kuma aka rabawa manema labarai, ta ruwaito Sanata Ali Ndume na cewa, kudaden za su taimaka gaya wajen yaƙi da ta’addanci a ƙasar nan.

AI