Maulud: Ganduje ya buƙaci ayi addu’ar zaman lafiya

Gwamnatin jihar Kano ta taya al’ummar musulmi murnar zagayowar Mauludin Annabi Muhammad (S.A.W).

A wani saƙo da ya aiko wa Freedom Radio, Kwamishinan al’amuran addini na Kano, Dr. Tahar Adamu Baba Impossible ya ce, Gwamna Dr Abdullahi Umar Ganduje , na taya musulmi murnar wannan rana.

Ya kuma jinjinawa dukkanin musulmin kasarnan bisa yadda suke nuna ƙauna ga fiyayyen halitta, tare da fatan al’umma zasu dage da addu’oin samun zaman lafia a Kano dama Najeriya baki ɗaya, a tarukan Maulidin.