Mun shirya ci gaba da gyaran hanyoyin karkara – Ganduje

Gwamnatin jihar Kano ta sha alwashin ci gaba da gyaran hanyoyi da kuma inganta wutar lantarki a cikin karkara.
Kwamishinan raya karkara da da ci gaban al’umma na jihar Musa Iliyasu Kwankwaso ne ya tabbatar da hakan, jim kadan bayan kammala shirin Baraka da Hansti na nan Freedom Radio.
Musa Ilyasu ya ce dama tuni gwamnatin Kano ta fitar da tsare-tsare na ayyukan ci gaba da za’a yi a wasu daga yankunan Karkara na jihar Kano.
Sai dai ya ce bullar annobar Corona ta janyo dakatar da ayyukan ci gaba da aka tsara faraway a yankunan karkara a nan Kano
Kwamishinan ya Kuma ce rashin isassun kudade na kawo cikas a wajen gudanar da tarin ayyukan da gwamnatin jihar Kano ta tsara gudanarwa.
Musa Iliyasu Kwankwaso yayi Kira ga al’ummar da suke fuskantar matsalar rashin kyan Hanyoyi da sauran kayan more rayuwa da su Kara hakuri, yana mai cewa ma’aikatar a shirye ta ke ta kara inganta rayuwar mutane mazauna karkara.