Mun kammala ayyukan da muka gada daga tsohuwar gwamnati – Masari

Gwamnatin jihar Katsina tace tana ci gaba da kashe makudan kudade wajen yin ayyukan raya kasa don inganta rayuwar al’ummar jihar.
Kwamishinan ma’aikatar ayyuka, gidaje da Sufuri na jihar Engr. Tasi’u Dandagoro ne ya sanar da hakan a Katsina.
Mun kashe biliyoyin Nairori, wajen samar da ayyukan ci gaba a jihar tare da kammala wadanda suka gaba daga tsohuwar gwamnati a cewarsa.
Kwamishinan ya kara da cewa, gwamna Aminu Bello Masari ya yi nasarar kammala ayyuka guda 13 daga cikin ayyukan da ya gada daga gwamnatin da ta gabata.