Muna buƙatar ƙarin jamia’n tsaro a Kaduna – El-rufa’i

Gwamnatin jihar Kaduna ta buƙaci rundunar sojin Najeriya da ta sake tura musu ƙarin jami’an tsaro don yaki da ayyukan ta’addanci da ya addabe su.

Mataimakiyar gwamnan jihar Hajiya Hadiza Balarabe ce ta buƙaci hakan, lokacin da babban hafsan tsaron ƙasar nan Laftanar Janar Faruk Yahya ya kai wata ziyara a jihar da tawagar sa.

Hajiya Hadiza ta gabatar da ƙorafi kan yawaitar ayyukan masu garkuwa da mutane, da kuma ayyukan ‘yan bindiga da sauran kalubalen tsaro, ta yadda wasu bangarorin jihar lamarin yafi ƙamari.

Guraren da ta ambata waɗanda suka fi fuskantar matsalar tsaron sun haɗar da hanyar Kaduna zuwa Kachia, da Kafanchan sai Birnin Gwari da Rigachikun da Igabi da sauran manyan hanyoyi.