Muna kan bakan mu na ƙarin shekarun ritayar ma’aikata – Buhari

Gwamnatin tarayya ta ce, tana kan tabbatar da ƙarin shekarun ritayar ma’aikata daga shekara 60 zuwa 65.

Mataimakin shugaban ƙasa Farfesa Yemi Osinbajo ya bayyana hakan a ranar Talata yayin da ya karbi bakuncin gwarzuwar shekarar 2022 Oluwabunmi Anani a fadar shugaban ƙasa.

Wannan dai na a matsayin wani ɓangare na bikin ranar Malami ta Duniya ta shekarar 2021.

Yemi Osinbajo ya ce akwai wani yunƙuri da gwamnati ta ke na ɗaukar malamai aikin gwamnati tun daga matakin na 7 zuwa na mataki na 8 nan ba da jimawa ba.