Muna taya Al’ummar Kano murnar zagayowar watan Maulidi- Com. Aminu Abdussalam

Mataimakin gwamnan jihar Kano Comr. Aminu Abdussalam Gwarzo ya taya al’ummar musulmi murnar zagayowar haihuwar ma’aiki SAW

Mataimakin gwamnan ya kuma shawarci al’ummar musulmai da suyi koyi da irin ɗabi’un Manzon Allah domin samin dacewa nan duniya da kuma gobe ƙiyama.

Kwamrat Aminu Abdussalam Gwarzo, ya bayyana hakan ne ta cikin wata takarda da mai magana da yahun sa Ibrahim Garba Shu’aibu ya fitar ya kuma rabawa manema labarai

Gwarzo ya kuma ce zai yi amfani da wannan damar domin wajen yin kira ga al’ummar jihar kano wajen yin anfani da wannan lokacin domin neman zaman lafiya kyautawa juna haɗin kai domin samar da ci gaba ga al’ummar jihar.