Murtala Sule Garo ya sauka daga Kwamishina domin takarar Gwamna

Kwamishinan ƙananan hukumomi na Kano Alhaji Murtala Sule Garo ya sauka daga muƙaminsa don takarar Gwamnan Kano

Mai taimakawa Gwamnan kan kafafen sada zumunta Abubakar Aminu Ibrahim ne ya sanar da hakan ta shafinsa na Facebook.

Wannan dai na zuwa ne kwana guda bayan da Gwamna Ganduje ya bai wa masu riƙe da muƙaman siyasa da ke sha’awar takara umarnin ajiye aiki domin biyayya ga dokar zaɓe.