Connect with us

Labaran Kano

Na daina sanya sabbin jarumai a fina-finai na – Bashir Mai Shadda

Published

on

Mashiryin fina-finai a masana’antar Kannywood Abubakar Bashir Mai Shadda ya bayyana cewa ya daina sanyan sabbin jarumai a cikin fina-finansa.

Abubakar Bashir Mai Shadda ya shaida hakan ne a wata hira da Freedom Radio ta yi da shi a ranar Litinin.

“Da yawa daga cikin sabbin jaruman da ake sawa a fina-finai suna shiga harkar ne ba tare da sanin iyayensu ba daga baya kuma su koma fitsararru a idon duniya”.

Mai Shadda ya ce “A ina samun kiran waya fiye da hamsin a wajen ƴan matan da suke so ya sanya su a harkar fim, saboda haka ne ma na ke ba su shawara da cewa su koma makaranta don neman Ilimi in ko hakan ya gagara su nemi miji su yi aure”.

Mai Shadda ya ci gaba da cewa, su kan su ragowar matan jaruman da suka yi fice a masana’antar yana yi musu fatan Allah ya fito musu da mazajen aure domin su samu su raya sunnar ma’aiki.

“Abin yayi yawa a masana’antar, don haka kamata yayi su rika yin sana’o’i ba sa harkar fim ba don haka haƙƙin iyaye ne su sanya ido kan yaran su don hana su faɗawa wasu halaye marasa kyau” in ji Mai Shadda.

Ko da aka tambaye shi me yasa su maza fim ɗin basa auren ƴan matan fim ɗin? sai ya ce “Ai dukkanin mu muna da mata kuma kowa da nasa dalilin na ƙin auren ƴar fim kuma wasun mu suna da mata 4 to babu halin ƙari”.

A wannan lokaci ana samun sabbin jarumai a harkar fim musamman ma a cikin fina-finai masu dogon zango.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!