Na faɗawa Buhari zan tsaya takara ta shugaban ƙasa a 2023 – Tinubu

Uban jam’iyyar APC na ƙasa Asiwaju Bola Tinubu ya ce, yaje wajen shugaba Buhari ne domin ya sanar da shi cewa zai tsaya takara a shekarar 2023.

Asiwaju Bola Tinubu ya bayyana hakan jim kaɗan bayan kammala wata ganawar sirri da yayi da shugaba Buhari a fadar sa da ke Villa a Abuja.

Ya ce, ta hanyar sanar da shugaba Buhari ne, ƴan Najeriya za su san ƙudurin sa na tsaya takara a shekarar 2023 da kuma tattaunawa da su.

Har ma yayi iƙirarin cewa, zai karbi mulkin Najeriya daga hannun shugaba Buhari a shekarar 2023 don ci gaba da kyawawan ayyuka da kuma ciyar da jam’iyyar APC gaba.