Naira Biliyan Dari Biyar da Shugaba Tinubu raba tallafi ba za ta rage radadi ba- Majalisa

Wasu daga cikin ‘yan Majalisar Dokokin Nijeriya, sun ce, Naira Biliyan Dari Biyar da Shugaban Kasa Bola Ahmed Tinubu, zai kashe wajen bayar da tallafi ga ‘yan kasar mutum Miliyan Goma Sha Biyu, ba za ta fitar da mutane daga cikin kuncin da suke ciki ba.

Injiniya Sani Bala Tsanyawa dan majalisa ne mai wakiltar kananan hukumomin Kunci da Tsanyawa, na daga cikin masu wannan ra’ayi.

Injiniya Sani Bala Tsanyawa, ya kara da cewa ko kusa ko alama wannan kudi ba zai saukaka wa al’umma wannan yanayi da ake ciki ba.

Gwamnatin tarayya ta dauki wannan aniya ne tun bayan da ta janye tallafin man fetur.