Najeriya za ta karbi jirage samfurin Super Tucano a watan Yuli – Buhari

Gwamanatin tarayya ta ce Najeriya za ta karbi jiragen sama shida daga cikin jiragen yaki 12 samfurin Super Tucanos a watan Yulin 2021 wanda shi ne kasaon farko don kawo karshen ayyukan masu ta’addanci a kasar nan.

Babban hadimin shugaban kasa kan harkokin yada labarai, Malam Garba Shehu ne ya bayyana hakan a shafinsa na Twitter.

Ya ce, sauran jiragen shidan zasu karaso kasar nan jim kadan bayan isowar saitin farko, kuma za a horas da matukan jiragen 14 a sansanin soji da ke Georgia a Amurka.

Jaragen Super Tucanos dai an kera su a Florida, kuma yanzu haka ana ba su horon fara aiki don tabbatar da ingancin su.