NDLEA ta gano wasu gonakin Wiwi a Katsina

Hukumar yaki da sha da fataucin miyagun kwayoyi ta Nijeriya NDLEA ta ce ta gano gonaki uku da ake shuka ganyen wiwi a jihar Katsina.

Mataimakin shugaban hukumar mai kula da harkokin gudanarwa na jihar, Halilu Hamidu ne ya bayyana hakan.y

Yana mai cewa, ‘sun samu nasarar gano gonakin ne bayan samun bayanai daga wasu mutane’.

Hamidu ya kuma ce ‘wannan shi ne karon farko da hukumar ta gano irin wannan gonar a kauyen Sobashi na karamar hukumar Dutsi’.

Ya kuma ce, ‘masu gonar suna amfani da ita wajen shuka tabar ta wiwi amma suna fakewa da noman kayan lambu irinsu tattasai da tumatur, sai dai tuni aka kama mutum daya daga ciki, sannan ana ci gaba da bibiyar sawun sauran abokan huldarsa.

Rahoton: Madeena Shehu Hausawa