NFF ta fara biyan albashin ma’aikatan dake bin ta bashi

Shugaban hukumar kwallon kafa ta Najeriya NFF Amaju Pinnick ya ce an biya mai horas da kungiyar kwallon ta kasa Super Eagles Gernot Rohr albashin wata biyu a cikin albashin watanni biyar da yake bin hukumar.

Pinnick ya bayyana hakan ne yayin tattaunawa ta musamman da jaridar Punch a yau Litinin.

Ya kuma ce shima mai horas da masu tsaron ragar Super Eagles Alloy Agu wanda yake bin albashin watanni ashirin da biyu ya karbi na watanni tara.

Pinnick ya ce yanzu haka hukumar ta dora damba wajen ganin ta biya dukkannin ma’aikatanta da ke bin ta bashi kamar yadda tayi alkawari.