Nijar: Bazoum ya kama hanyar lashe zaɓe

Sakamakon baya-bayan nan da aka fitar a zaɓen shugaban jamhuriyar Nijar zagaye na biyu ya nuna cewa Bazoum Muhammad dan takarar jam’iyyar PNDS tarayya ne akan gaba da kuri’u fiye da miliyan biyu.

Yayin da abokin takarar sa na RDR chanji Mahamman Usmane ke da kuri’u sama da miliyan daya da dubu dari biyar.

Mahamman Ousmane ya samu yawan kuri’u ne a jihohin Yamai da Tilaberi yayin da shi kuma Bazoum ya sami nasara a jihohin Tahoua da Zinder da Diffa da kuma Maradadi.

A ranar Lahadi aka gudanar da zaɓen zagaye na biyu, inda aka fafata tsakanin manyan ƴan takarar biyu.

Ana sa ran bayyana sakamakon nan ba da jimawa ba.