NLC ta yi barazanar shiga yajin aiki bisa karancin kudi da tsadar Fetur

Kungiyar kwadago ta Nijeriya NLC, ta yi barazanar tafiya yajin aikin gargadi na kwanaki bakwai, sakamakon karancin kudi da tsadar man fetur da suka addabi mutane ke fama da su.

Shugaban kungiyar na kasa Joe Ajaero, ne ya bayyana hakan ga manema labarai, jim kadan bayan zaman tattaunawar da kungiyar ta gudanar kan halin da ma’aikata ke ciki saboda tsadar man Fetur da kuma karancin kudi.

Ya ce kungiyar za ta gudanar da yajin aikin gargadi na kwanaki bakwai, idan har gwamnati ta gaza magance matsalar karancin kudi da kuma wadata ‘yan Nijeriya da man fetur, daga nan zuwa wa’adin da kungiyar ta diba, to za su dauki mataki na gaba na tsunduma yajin aiki.