NPFL: Karuwar masu corona za ta iya dakatar da dawowa gasar

Kamfanin shirya gasar league a Najeriya wato LMC ya ce akwai yiwuwar samun tsaiko wajen fara gasar cin kofin kwararru na kasa sakamakon cigaba da samun yaduwar cutar COVID-19 a kasar.

An dai dakatar gasar ne tun a watan Maris yayin da cutar ta barke a fadin duniya.

Shugaban daya daga cikin kungiyoyin wanda ya nemi a sakaya sunansa ya ce, “Masu shirya gasar na cigaba bibiyar lamarin amma sun dage gasar ne kawai duk da cewa za a iya cigaba da wasannin.”

Hukumar yaki da cutuka ta Najeriya NCDC ta tabbatar da samun karuwar wadanda suka kamu da cutar a ranar Laraba.