PIA: Za mu bawa kowane dan kasa damar saka hannun jari a NNPC – Kyari

Sabuwar dokar masana’antar man fetur da gwamnati ke kokarin zartarwa, zata ba wa kowane dan kasa damar saka hannun jari a kamfanin man fetur na kasa NNPC.

Shugaban kamfanin na NNPC Mele Kyari ya bayyana hakan yayin tattaunawa da manema labarai kan sauya tsarin gudanar da kamfanin zuwa mai zaman kansa.

Kyari ya ce, masu ruwa da tsaki a sabon kamfanin da ake yunkurin samarwa na da cikakkiyar dama wajen sayar da hannayen jari ga wasu kamfanonin masu zaman kansu.