PSC ta ƙi amincewa da karin girma ga masu muƙamin ASP 179

Hukumar kula da ayyukan ‘yan sanda ta Najeriya  PSC ta ki amincewa da karin girma ga mataimakan Sufiritan rundunar ‘Yan sanda ASPs guda 179.

Ta cikin wata  sanarwa da mai magana da yawun  hukumar ta PSC, Ikechukwu Ani ya fitar, ta tabbatar da cewa, 176 daga cikin jami’an da abin ya shafa sun riga sun yi ritaya, yayin da guda  uku  kuma  daga ciki tuni sun rasu.

Sai dai ya ce, an ƙara wa jami’an ASP guda 952 girma zuwa mukamin mataimakan sufiritanda watau DSP.

Hukumar ta kuma ki amincewa da karin girma ga wasu jami’an da bata bayyana adadin su ba  wadanda ta ce, sam ba su cancanta  inji sanarwar.