Qatar 2022: Sai kasar Portugal ta buga wasan Playoff za ta samu tikitin buga gasar

Dan wasa Cristiano Ronaldo da ke wasa a kasar Portugal zai fuskanci tsaikon buga wasan Playoff domin samun damar zuwa gasar cin kofin duniya na shekarar 2022 a Qatar.

Kasar Portugal dai ta yi rashin nasara a wasan da suka buga da kasar Serbia a ranar Lahadi 14 ga Nuwambar 2021.

Portugal wadda ta yi rashin nasara a wasan da ci 2 da 1.

Tin da fari dai kasar Portugal ce ta fara zura kwallon farko a mintuna na 2 ta hannun dan wasa Renato Sanchez.

Kana a mintuna na 33 dan wasan Tudan ya warware kwallon da aka zura musu a wasan.

Sai dai dab da za a kammala wasan a mintuna na 90 dan wasa Miteovic ya kara kwallo ta biyu da hakan ya bawa kasarsa ta Serbia nasara a wasan da ci 2 da 1.

Yanzu haka dai a rukuni na A kasar Serbia itace ke mataki na farko da maki 20.

Sai kuma kasar Portugal da ta ke a mataki na biyu a rukunin da maki 17 a wasanni 8 da suka buga.

Sai dai yanzu haka kasar Portugal za ta jira buga wasan karshe na Playoff domin samun damar kai wa cikin jerin kasashen da zasu buga gasar kofin duniya a shekara mai zuwa ta 2022 a kasar Qatar.