Rashin aikin yi ne ke kara haddasa kwacen waya a kano- Abdulwahab Sa’idu Ahmad

Wata kungiya da ke rajin yaki da masu kwacen waya a Kano ta zargi rashin aikin yi a tsakanin matasa a matsayin abinda ke haddasa karuwar matsalar a yanzu.

Shugaban kungiyar Abdulwahab Sa’idu Ahmad ne ya bayyana hakan a zantawarsa da Freedom Radiyo da safiyar yau.

Inda yace ’kwace wayar ya kara ta’azzara ne tun lokacin da aka sa dokar kule lokacin korona’.

‘yace a lokacin yara sunyi kallon fina finai masu dogon zango na ta’adanci wanda a nan ne suka koyi yadda ake amfani da makami’.

Musa Sani Aliyu wanda ya kasance mamba a kungiyar yace ‘kamata yayi makota su rinka mayar da yaran makotansu tamkar nasu,ta hanyar sanya musu ido tare da basu shawara ta gari.