REMASAB- Taci gaba da feshin maganin sauro a kano

Hukumar kwashe shara ta jihar kano ta ƙaddamar da feshin maganin sauro a ƙaramar hukumar Nasarawa domin samin saukin cututtuka ga al’umma musamman na zazzaɓin cizon sauro

Shugaban hukumar Alhaji Ahmadu Haruna Zago, ne ya jagorancin feshin maganin sauron a unguwar Badawa dake ƙaramar hukumar Nasarawa.

Ahmadu Zago, wanda ya dami wakilcin Darakta tsare-tsare na hukumar Alhaji Yahaya Sani Abbas, ya ce sun kaddamar da aikin feshin maganin sauron a yankin Badawa, don dakile cutukan da sauro ke yadawa ga al’umma.

Ya kara da cewa za’a tabbatar an yi feshin maganin a dukkan nin lunguna da sako na unguwar Badawa, kamar yadda gwamanan jahar Kano Injiniya Abba Kabir Yusuf, ya kudiri aniyar hidimta wa al’umma ta bangarori da dama don samun nutsuwa da walwala a gidajen su.

Haka kuma za’a ci gaba da shiga dukkannin unguwannin da suke a faɗin jihar Kano domin ganin su anyi musu wannan feshin, don rage yaɗuwar cutuka a faɗin jihar.