Ronaldo ya ci kwallo ta 500 a gasar Lik daban daban a Duniya

Dan wasan gaba na kasar Portugal Cristiano Ronaldo ya zura kwallo ta 500 a wasannin Lig da ya fafata a kungiyoyi daban daban a Duniya, bayan da ya zura kwallaye hudu a wasan da kungiyarsa ta Al-Nasr ta doke Al-wahada a jiya Alhamis.

Ronaldo mai shekaru 38 ya zura kwallayen ne a mintuna 21 da 40 sai 53 da kuma na 60.

Kyafitin din na Al- Nasr ya zura kwallaye 503 a gasar Lig da suka hadar da 311 da ya zura a kungiyar Real Madrid da 103 a Manchester United sai kuma a Juventus da ya zura 81 sai uku a a Sporting Lisbon, hudu a Al- Nasr dake Saudiya.

Wasanni: Sunusi Shu’aibu Musa