Rundunar soja ta samu nasarar lalata maboyar ‘yan ta’adda a Zamfara

Rundunar sojin kasar ta ce dakarun ta na Operation Hadarin Daji sun kashe ‘yan tada kayar baya da ke boye a kauyen Kwiambana a jihar Zamfara tare da lalata maboyar ta su.

Hakan na cikin wata sanarwa da mai magana da yawun rundunar sojin kasar nan Major janar John Enenche ya fitar a jiya Laraba.
John Enenche ta cikin sanarwar ya bayyana cewa dakarun sunyi nasarar kashe ‘yan bindigar da ke boye a kauyen inda nan take suka lalata maboyar ta su.

Sanarwar ta kuma ce ko a ranar 15 ga watan da muke ciki sai da dakarun Operation Wutar Daji suka yi nasarar fatattakar ‘yan tada kayar baya a Arewa maso bagashin kasar nan.