Za’a samarwar ‘yan Najeriya ‘yan kasuwa dake Ghana tsaro – Oshinbajo

Mataimakin Shugaban kasa Farfesa Yemi Osinbajo ya tabbatarwa ‘yan Najeriya da suke kasuwanci a kasar Ghana cewa zasu samu cikakken tsaro a kasar ta yayin gudanar da sana’oinsu.

Farfesa Yemi Osinbajo ya bayyana hakan ne lokacin yake ganawa da wasu shuwagabannin yan Najeriya dake kasuwanci a can kasar ta Ghana.

A cewar sa gwamnatin tarayya zata yi kokari ganin an samu sassauci tsakanin hukumomin tsaron kasar ta Ghana da kuma ‘yan kasuwar Najeriya mazauna kasar ta Ghana.

Farfesa Yemi Osinbajo ya ce tuni shirye-shirye sunyi nisa tsakanin Gwamnatin kasar nan da hukumomi a kasar ta Ghana domin samarwa ‘yan kasuwar sauki musamman ta bangaren haraji.