Rundunar sojin saman ƙasar nan za ta sauya tsarin biyan fanshon ma’aikatan ta

Rundunar sojin saman kasar nan ta ce ta kammala tsare-tsaren da suka kamata na sauya tsarin biyan fanshon ma’aikatanta zuwa na zamani.

Shugaban hukumar fansho na rundunar Air kwamado Saburi Lawal ne ya bayyana hakan a Abuja.

Komodo Saburi ya ce sauya tsarin zuwa na internet zai fara aiki nan da karshen shekara da zarar an samun izini daga hukumomin da suka dace.

Ya ce a yanzu rundunar na amfani da tsarin biyan fansho na kafa da kafa zuwa jihohin kasar nan.

A don haka ya ce rundunar za ta koma amfani da tsarin biyan fanshon ta hanyar Internet.