Rundunar sojojin sama ta hallaka kwamandodin ‘yanbindiga biyar a Zamfara

Rundunar sojojin saman kasar nan samu nasarar hallaka manyan kwamandodi biyar na ‘yan bindiga a jihar Zamfara.

Rundunar ta samu wannan nasara ne bayan wani sumame da ta kai dazuzzukan da ‘yan bindigar ke boye a Jihohin Arewa maso Yamma.

Manyan kwamandodin da aka kashe, sune Hussaini Rabe, da Murtala Sabe, da Basiru Nasiru, da Sama da kuma Isah.

Wani jami’in tsaro da ya nemi a sakaye sunan sa yace lugudan wutar da sojin saman suka yi a Dajin Tsaunin Sani da ke gundumar ‘Yantumaki ta karamar Hukumar Danmusa, a jihar Katsina ya yi sanadiyar mutuwar ‘yan bindiga sama da 26, tare da lalata babura 13.